Срушен најголемиот мит за настинката во кој нашите мајка и баби веруваа со генерации!
Дува ветер, накиснуваш на дожд или заспиваш со отворен прозорец и – настинуваш. Но, се чини дека цел живот сме биле во заблуда. Излегува дека најголемиот мит за настинката, во кој мајките и бабите веруваат со генерации, е дека настинуваме од студ. Вистината е дека настинките се вообичаени сезонски вируси и ние всушност се разболуваме од нив. А она што го прават студот, дождот и ветерот е, всушност, уништување на имунолошкиот систем, што нè прави поподложни на вируси.
Како што пишува „Хелтлајн“ (HealthLine), настинките се предизвикани од вируси, а не поради тоа што стоиме на дожд. Меѓутоа, една студија од 2022 година покажа дека студот, односно намалувањето на телесната температура може лошо да влијае на имунолошкиот систем и да донесе поголем ризик од вируси на настинка.
Значи, од дождот, всушност, не можете да настинете, но студот додека сте долго влажни надвор, може да го ослаби вашиот имунолошки систем и да го зголеми ризикот од настинка доколку дојдете во контакт со одредени вируси.
Како настинуваме?
Повеќе од 200 вируси предизвикуваат настинка. Се шират преку воздухот и блискиот физички контакт, со допирање на устата, очите или носот по контакт со бактерии.
Може ли да се спречи настинката?
За да го намалите ризикот од настинка, треба да обрнете внимание на следново:
– често мијте ги рацете
– воздржете се од споделување храна, пијалаци и други работи со домашните кои не се чувствуваат добро
– избегнувајте непотребно допирање на очите и устата
– јадете урамнотежена исхрана, со многу овошје и зеленчук
– вежбајте редовно
– спијте доволно
Што помага при настинка?
Ако настинете, одморајте што е можно повеќе, пијте многу течности, гаргарате со солена вода, плакнете ја носната шуплина со физиолошки раствор. За лекови што се издаваат без рецепт консултирајте се со фармацевт.
Колку долго трае настинката?
Настинката обично поминува за една или две недели и најчесто не бара посета на лекар. Но, понекогаш настинката може да прерасне во бронхитис или пневмонија (воспаление на белите дробови). Ризикот од ова е поголем ако имате ослабен имунолошки систем или други респираторни здравствени проблеми, како што е астма.
Разлика помеѓу настинка и грип и ковид
Многу од симптомите на овие три здравствени состојби се преклопуваат, но симптомите на настинка обично се помалку сериозни од оние поврзани со грип или со ковид, а настинката обично не е придружена со зголемена телесна температура и треска.
