Надлежните успеаја да го спасат 30-годишниот Американец Тајсон Стил, откако тој поминал повеќе од три недели во скромно засолниште и со ограничени количества на храна во дивините на сојузната американска држава Алјаска, пишува Би-Би-Си.

Стил три недели јадел конзервирана храна и престојувал во импровизинар шатор, откако пожар ја уништил неговата колиба.

Властите го лоцирале Стил откако загрижени членови на неговото семејство побарале да се провери неговата локација.

Стил од остатоците од неговата куќичка во дивината ги испишал буквите „СОС“, а видеото објавено од надлежните го покажува моментот на неговото спасување.

Стил за полицијата кажал дека не е точно сигурен што го предизвикало пожарот во неговата колиба, кадешто живеел сам уште од септември.