Совршено сочуван ембрион на диносаурус пронајден во Кина
Научниците објавија дека откриле совршено зачуван ембрион на диносаурус кој се подготвувал да се изведе од јајцето, исто како пилешко, пишува Би-Би-Си.
Ембрионот е откриен во Ганжу во јужна Кина и истражувачите проценуваат дека е стар најмалку 66 милиони години.
Се верува дека е Теропод диносаурус без заби или Овирапторосаур и го добил името „Бебе Јинглијанг“.
Истражувачот д-р Фион Вајсум Ма рече дека тоа е „најдобриот ембрион на диносаурус кој некогаш бил пронајден во историјата“.
Откритието исто така им даде на истражувачите поголемо разбирање за врската помеѓу диносаурусите и модерните птици. Фосилот покажува дека ембрионот бил во завиткана положба позната како „tucking“, што е однесување забележано кај птиците непосредно пред да се изведат.
„Ова покажува дека таквото однесување кај современите птици најпрво еволуирало и потекнувало од нивните предци на диносаурусите“, изјави д-р Ма.
A BABY DINOSAUR PRESERVED IN AN EGG 🥚
LOOK: Scientists recently discovered a perfectly preserved dinosaur embryo inside a fossilized egg.
The baby dinosaur belonged to an oviraptorosaur and should have hatched roughly 70 million years ago in southern China. 📷: Lida Xing pic.twitter.com/OKmI4rhKZz
— Rappler (@rapplerdotcom) December 22, 2021
Овирапторосаурусите, што значи „гуштери крадци на јајца“, биле диносауруси со пердуви кои живееле во денешна Азија и Северна Америка за време на периодот на Доцната креда – пред 100 милиони до 66 милиони години.
Бебето Јинглијанг е долго 10,6 инчи (27 сантиметри) од глава до опашка и лежи во јајце долго 6,7 инчи во Историскиот музеј на природата Јинглијанг Стоун во Кина.
Јајцето за прв пат беше откриено во 2000 година, но 10 години било ставено во складиште.
Дури кога започнаа градежните работи на музејот и беа сортирани старите фосили, истражувачите го свртеа вниманието на јајцето, за кое се сомневаа дека има ембрион внатре.
Дел од телото на диносаурусот сè уште е покриен со карпи и истражувачите ќе користат напредни техники на скенирање за да создадат слика од неговиот целосен скелет.
