За да го подготвите овој здрав протеински појадок потребни ви се следниве намирници – 2 јајца, 1 авокадо, 30 грама сланина, 30 грама сирење, сок од половина лимон, сол и црн пипер. По желба може да додадете и малку сечкана сланина.

Подготовка

Загрејте ја рерната на 220 степени. Исечете го авокадото на половина и издлабете го така да остане околу 1 см до кората. Искршете по едно јајце во секоја половина на авокадото, не грижете се ако јајцето малку се прелие, само избришете го авокадото. Останатиот дел од авокадото испасирајте го заедно си сирењето и додадете го врз јајцето. На крајот додадете ја исечканата сланина.

Ставете ги полните половинки во тава за печење која претходно сте ја обложиле со хартија за готвење. Попрскајте ги со лимонов сок, посолете и наросете црн пипер. Печете 10-на минути, односно додека јајцето се стврдне, а сирењето се растопи.