Фудбалерот Черчил Оваси почина како последица од ќотекот што го доби од своите соиграчи во аматерски фудбалски клуб од Уганда.

Имено, 22-годишниот Оваси бил виновен за голот кој го примила неговата екипа, а соиграчите одлучиле да го казнат со ќотек. Черчил неколку часа по инцидентот починал во болница по што полицијата веднаш започна истрага.

Соиграчите веднаш по примениот гол почнале да го удираат Черчил Оваси поради што пријателскиот натпревар бил прекинат, а напаѓачите биле одвоени од несреќниот фудбалер. Но, тука не бил крајот на инцидентот бидејќи тортурата продолжија по натпреварот кога Оваси одгурнал едне од напаѓачите. Тоа момент предизвикал нов напад над несреќниот фудбалер кој потоа бил префрлен во болница каде неколку часа подоцна е констатирана смрт.
Полицијата овој напад го прогласи за убиство и веднаш уапси двајца фудбалери кои играа во ист тим со несреќниот Черчил Оваси.