Со пиштол на дијаболи повредена ученичка во Чаир

Со пиштол на дијаболи во текот на вчерашниот ден било повредено девојче во училиште на подрачјето на општина Чаир, информираат попладнево од Министерството за внатрешни работи.

Во 13:43 часот од основно училиште на подрачјето на Чаир било пријавено дека во училиштето, со пиштол на дијаболи, што го носел нивен ученик, повредена била малолетна ученичка.

Полициски службеници излегле на местото и било констатирано дека во периодот од девет до 9:30 часот во училница, еден ученик го извадил пиштолот, што му бил одземен од друг ученик, кој пак испукал една дијабола и повредил ученичка. Таа била пренесена во Градската општа болница „Свети Наум Охридски“ за укажување помош.

Пиштолот бил одземен од вработените, а увид извршила екипа од ЕВР – Чаир. По целосно документирање на случајот, како што наведуваат од МВР, ќе биде поднесена соодветна пријава.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот