Со ореви, мед и цимет: Полнети круши
Крушите имаат специфичен вкус, односно доста сладок вкус пропратен со крцкавоста на јаболките и сочност која повеќе потсетува на нектарините. Добро созреаните плодови имаат помека текстура и значително поголема слаткост, што ги прави одлична база за бројни десерти.
Во комбинација со јаткасти плодови, суво овошје, мед и цимет крушите за момент ќе се претворат во вашиот омилен здрав десерт.
Состојки:
– 2 зрели круши
– 2 лажички мед
– половина лажичка цимет
– мускатно оревче за вкус
– 120 мл јогурт од бадем
– 1 пакување ванилин шеќер
– 30 грама исечкани ореви
– суво овошје (по желба)
Подготовка:
Загрејте ја рерната на 180 степени. Исечете ги крушите на половина и испразнете ја средината. Обложете тава со хартија за печење и ставете ги крушите на неа, па премачкајте ги со мед и просејте им цимет одозгора, па мускатно оревче. Можете да додадете и суво овошје по желба. Печете 30 минути и извадете ги од рерната.
Додека крушите се ладат, направете смеса од јогурт, ванилин шеќер и орев. Кога крушите ќе се оладат, наполнете ги со смесата и сервирајте.
Добар апетит!