Снегот им направи големи проблеми, фудбалерите на Реал Мадрид со часови заглавени во авион
Фудбалерите на „кралскиот“ клуб денеска имаа непријатно искуство со снежното невреме кое ја зафати Шпанија и ги остави неколку часа во авион на аеродромот во Мадрид. Тие останаа два часа во авионот и не можеа да полетаат поради заледената писта на аеродромот во Мадрид.
Кралскиот клуб претстојниот викенд треба да отпатува за Памплона каде го очекува натпревар против Осасуна, но невремето им ги поремети плановите.
Бидејќи снегот цел ден паѓа во Мадрид, експедицијата на Реал одлучи наместо утре, за Памплона да отпатува вечерва, но големите наноси на снег им создадоа вистинска агонија.
?? Next Stop: Pamplona.#OsasunaRealMadrid | #RMLiga pic.twitter.com/ZOIpmOmHoF
— Real Madrid C.F. ???? (@realmadriden) January 8, 2021