Смртта на младата Иранка ја крена земјата на нозе: Жените гневни почнаа да ги палат хиџабите и да си ги сечат косите
Полицијата во Иран ја уапси 22-годишната Махса Амини, наводно поради неправилно носење хиџаб, по што таа починала од срцев удар.
Очевидци на нејзиното апсење им рекле на новинарите дека Амини била претепана во полициското комбе додека ја носеле во притворот во Техеран.
Смртта на Амини предизвика негодување против полициската бруталност во земјата, а многу познати и истакнати жени од Иран на социјалните мрежи во знак на протест почнаа да ја сечат косата и да палат хиџаби.
Iranian women show their anger by cutting their hair and burning their hijab to protest against the killing of #Mahsa_Amini by hijab police.
From the age of 7 if we don’t cover our hair we won’t be able to go to school or get a job. We are fed up with this gender apartheid regime pic.twitter.com/nqNSYL8dUb— Masih Alinejad 🏳️ (@AlinejadMasih) September 18, 2022
„Од седумгодишна возраст, ако не ја покриеме косата, нема да можеме да одиме на училиште или да се вработиме. Доста ни е од овој родов режим на апартхејд“, објави на Твитер иранската новинарка и активистка Масих Алинеџад.
Иранското правосудство започна истрага за смртта на Амини. Лекарите констатирале дека е мртва на 16 септември, откако таа не покажала знаци на живот откако паднала во кома, пренесува Радио Слободна Европа.
Смртта на 22-годишна Иранка предизвика бурни реакции во земјата и на меѓународно ниво. Полицијата употреби солзавец за да го растера протестот кој се организираше во западен Иран по нејзиниот погреб, објави новинската агенција Фарс.
Iranian women removing their hijabs in protest and chanting ‘death to the dictator’ at the funeral of 22yr old woman who was killed after being arrested for breaking the hijab rule. These women are simply inspirational! pic.twitter.com/JereUlsiW8
— Ashok Swain (@ashoswai) September 17, 2022
Полицијата објави и видео од полициската станица, на кое велат дека го покажува моментот кога Амини колабирала. Нејзините роднини велат дека таа претходно немала проблем со никакви срцеви заболувања. Мојган Амини, мајката на Махса, непосредно пред веста за смртта на нејзината ќерка изјави за РСЕ дека нејзиното семејство поднело пријава во полиција.
– Ќерка ми беше во совршено здравје пред апсењето – изјавила таа за Фард.
Нејзиното тело беше погребано во саботата наутро во нејзиниот роден град Сагез, 460 километри од Техеран во северозападната провинција Курдистан.
На протестот многу жени го соблекоа хиџабот и извикуваа: „Смрт за диктаторот“. Демонстрантите потоа се собраа пред канцеларијата на гувернерот, но се разотидоа кога безбедносните сили употребија солзавец, пренесува Фарс.