Eурофарм Пелистер не дозволи изненадување и го победи Алкалоид со 32:28 за одбрана на титулата во ракометната Суперлига.

Алкалоид го отвори натпреварот со водство од 0:2 и 1:3, но домаќините брзо се вратија и поведоа со 4:3. Во продолжение следуваше изедначена игра, меѓутоа во клучните моменти, Пелистер покажуваше искуство, па така и ја зголемуваше разликата.

Како што одминуваше времето разликата беше погоелма и на пауза битолчани заминаа со 18:13.

Стартот од вториот дел донесе подобра игра на Алкалоид, но домаќините успеаа да ја задржат позитивата. Се што направи Алкалоид беше да се доближи до „минус два“ повеќе од тоа не можеше.

Вардар во натпреварот кој се играше во ист термин победи, меѓутоа тоа не беше доволно затоа што за титула им требаше пораз на Еурофарм Пелистер.