Српската пејачка Слаѓана Милошевиќ пред неколку месеци беше итно хоспитализирана поради лошата здравствена состојба.

Популарната пејачка ретко се појавува во јавноста, а сега по долга пауза проговори за бројни животни теми, но и за своето здравје.

Слаѓана на самиот почеток открила како сега се чувствува, откако завршила во болница.

„Од напуштањето на болницата и лекувањето кое со кратки прекини траеше две години, моето здравје е сè уште загрозено, но ако ништо друго, се чувствувам послободно сега кога сум лишена од лошиот третман. Не припаѓам на луѓе кои бараат повеќе отколку што им припаѓа, но во нашата земја постои видлив проблем на поделба на пожелни и непожелни. Треба да се вложи многу напор во процесот на урбанизам, кој е сè поприсутен, бидејќи сите сме граѓани на оваа држава. За време на болничкото лекување почувствував голема омраза од персоналот поради моето белградско потекло. За жал, не сум единствена која доживеал грубост, неетичност и недостаток на емпатија. Се чини дека етиката и моралот се сосема безначајни во медицинскиот образовен систем“, рекла Слаѓана, откривајќи ја природата на нејзината болест.

„Болеста го носи називот Сјогренов синдром. Нејзината симптоматологија и метод на лекување сè уште се непознати за многу лекари. Често се отфрла како поедноставено имунолошко нарушување, а таа е, всушност, смртоносна. За жал, болеста е многу тешка, со бројни имунолошки промени. Ги напаѓа сите телесни системи. Единствено кинеската традиционална медицина може да помогне, бидејќи од раните денови го третира човекот како единствена целина. Во западната медицина таков пристап има само психосоматиката. Човекот е единство на телото и психата и само така може да се лекува.“

Пејачката на своја одговорност ја напуштила болницата поради незадоволство од третманот што го добила.

„Не можев да се извлечам од стапицата на болеста. Не ми одговараше тоа што по две години немаше никаков напредок во лекувањето и што повторно се враќав во болница. Исто така, не ми одговараше ниту однесувањето на поголемиот дел од персоналот, нивната незаинтересираност, површноста и упорните конфликти, каде што не се почитуваше моето мислење иако и јас сум психотерапевт практичар и поранешен студент по ветеринарна медицина. Немаше ниту добра волја, дури не ги знам ниту имињата на лекарите, освен на двајца, бидејќи не се претставија. Моето доаѓање во болница беше проследено со навреди“, раскажала Слаѓана Милошевиќ, пренесува „Блиц“.

Пејачката Слаѓана Милошевиќ ги скршила двете раце

Пејачката Слаѓана Милошевиќ во болница поради внатрешно крварење: Лекарите ја следат состојбата

Пејачката Слаѓана Милошевиќ претепана во својот стан од нејзиниот партнер!