Рано утринава, во 4:32 часот, според Сеизмолошката опсерваторија, земјотрес почувствувале жителите на југозападниот дел од Македонија. Епицентарот бил во Грција, а потресот се почувствувал во западните и југозападните делови на Македонија, поточно во Дебар, Кичево, Охрид, Ресен и Струга.

Локалната магнитуда била 5,5 степени според Рихтеровата скала, но од Сеизмолошката опсерваторија соопштија дека интензитетот на земјотресот во Македонија изнесувал III степени според Европската макросеизмичка скала, што значи дека бил слаб и не можел да предизвика штети.