Склекови, ќотек или и двете: Полициска бруталност „во име на коронавирусот“ го шокираше светот (ВИДЕО)
Вознемирувачки видеа снимени во Индија циркулираат на социјалните медиуми, полицијата со брутално насилство ги казнува оние за кои смета дека ги прекршиле новите рестрикции за движење ширум земјата
Индиската полиција е обвинета дека претепала човек до смрт за кој сметала дека ги прекршил новите рестрикриции за движење, додека голем број граѓани се жалат на полициска бруталност откако биле најавени мерките за превенција, пишува Vice.
Лал Свами, 32 годишен маж кој живеел во западниот дел на Бенгал, бил претепан од полицијата со долгите бамбусно-челични пендраци кои се користат во таа земја (т.н lathi) кога го напуштил домот за да купи млеко измината среда, изјавила неговата сопруга за индиските медиуми. Лал бил однесен во болница, но откако пристигнал бил прогласен за мртов.
Неговото семејство тврди дека тој подлегнал на тешките повреди кои му биле нанесени од нападот, додека полицијата тврди дека Лал починал од срцев удар.
Ова обвинение следува по серија напади од страна на индиската полиција врз лица кои биле излезени надвор, откако индискиот премиер Нарендра Моди воведе мерка за целосна изолација во земјата.
How insensitive can one get ?
These are difficult times & what he is carrying only essential supplies, right?
Why should he be beaten black & blue like he is some criminal ?
Indian police, you can do better. #Covid19Out #Lockdown21 #lockdown pic.twitter.com/vrNXPv3NSX
— Santosh Addagulla (@santoshspeed) March 25, 2020
Многу видеа кои циркулираат на социјалните медиуми го прикажуваат сличното сценарио, полицајци ги удираат луѓето со лати или ги тераат да прават нешто понижувачко, како склекови, додека ги напаѓаат.
Why police is beating people in lockdown? Can't they just book them or tell them to go home? Why violence? #21daylockdown #PoliceBrutality pic.twitter.com/Z3ls4hAi7x
— Utkarsh Chaudhary (@iam_utakarsh) March 25, 2020
Јавниот гнев беше разгорен откако полицаец објави видео на неговиот твитер-профил, за потоа да го избрише, а на него се гледа како тамошен полицаец го дезинфицира пендракот пред да замине во „лов“ низ улиците, а како опис напиша: Full tayari (во превод: Тотално подготвен). Сепак, иако полицаецот ја избриша објавата, видеото остана присутно на социјалните медиуми.
Full tayari pic.twitter.com/rpUlSmX1hW
— रतन धाकड़ (@Rtndhaker71) March 24, 2020
Покрај растечкиот број на пријави за полициската бруталност, политичарите и бизнисмените апелираа до полицијата да покаже воздржаност и да дозволи доставата на основните продукти, како храна и лекови, да се одвива непречно, како што и налагаат рестрикциите.
Шаши Тарор, член на индискиот парламент напиша твит во кој го осудува начинот на кој полицијата се справува со ситуацијата „Апелирам до полицијата во Њу Делхи и насекаде да престане со ова насилно однесување“, напиша тој истакнувајќи „Контролите се во ред. Насилството не е“.
I appeal to @DelhiPolice & police everywhere to stop this violent harassment.https://t.co/Ab5cLyVMnk@ProfCong & I are getting reports from around the country of delivery persons, & people going out for essential supplies, being beaten w/lathis. Controls are OK; violence is NOT.
— Shashi Tharoor (@ShashiTharoor) March 26, 2020
Кришнан Ганеш, кој е „мозокот“ зад огромна компанија која доставува храна и лекови, изјавил за индиската телевизија NDTV дека лицата кои работат како доставувачи во неговата компанија биле претепани од полицијата, која се изјаснила дека не знаела за тие исклучоци при рестрикциите.
They’re not f*cking around with the lockdown in India ?? pic.twitter.com/JL20UqbHxk
— Man of Mayhem ? (@fabiangib) March 26, 2020
„Полицајците очигледно не се свесни дека станува збор за есенцијални потреби, тие немаат механизми за да дозволат или забранат некому нешто. Во многу случаи, тие се строги, брутално тепаат луѓе“, вели тој.
???Demo for those who didn’t understood pic.twitter.com/gwOEfqvbW2
— Maulvi Jesus (@go4akki) March 24, 2020
Како одговор на обвинувањата, централната индиска влада изјави дека ќе преземе чекори за да се олесни доставата на есенцијалните продукти, а премиерот изјави дека доставувачите ќе добијат специјални дигитални пропусници со кои ќе можат да докажат дека смеат да бидат надвор.
Во меѓувреме, полицијата во индискиот град Меруту одлучи да ги казни прекршителите на самоизолација, така што ќе ги принуди да носат транспаренти на кои пишува „Јас сум му пријател на коронавирусот“, за да можат останатите граѓани да ги фотографираат и да ги објават на социјалните мрежи.
