Јаник Синер потешко од очекувањата дојде до победа на својот прв настап на Мастерсот во Мајами. Синер во три сета беше подобар од Холанѓанецот, Талон Грикспор (5:7, 7:5, 6:1).

Грикспор имаше изненадувачко водство 1:0 во сетови кога при 3:3 во вториот сет дојде до прекин поради дожд. Паузата траеше околу половина час, а тој прекин влијаеше и на играта на тенисерите.

Синер до тој момент изгледаше прилично лошо, меѓутоа по враќањето на теренот успеа да израмни и го освои вториот сет со 7:5. Во третиот издоминира и му дозволи на холандскиот тенисер само еден гем.

Противник во третото коло на Синер ќе му биде Оконел од Австралија кој е 66-то место на АТП листата.

Од останатите мечеви пласман во следната рунда обезбедија: Каспер Руд, Данил Медведев, Доминик Копфер и Николас Џери.