Актерот Силвестер Сталоне е последното име што ќе се приклучи на култната екипа на филмот „The Suicide Squad“. Главниот режисер на франшизата, Џејмс Ган, ја објави веста на неговиот Инстаграм профил во саботата вечерта.

„Секогаш сакам кога работам со мојот пријател Сталоне… Нашата работа на „The Suicide Squad“ не беше исклучок“, напиша Ган.

„И покрај тоа што Сли е иконска филмска ѕвезда, повеќето луѓе сè уште немаат идеја колку неверојатен актер е ова момче“, пишуваше во објавата.

И актерот Сталоне ја потврди изјавата како реакција на објавата на режисерот Ган.

„Џејмс, ти си неуморен и неверојатен режисер, смедам дека тоа е најголемиот комплимент. Продолжи така“, напиша Сталоне.

Нејасно е која улога ќе ја толкува Сталоне во следното продолжение, закажано за 2021 година. Филмот веќе има одлична актерска екипа, вклучувајќи неколку актери кои биле дел од претходниот филм.

Маргот Роби повторно ќе се појави во улога на Харли Квин, заедно со Џаи Кортни како Каметанот Бумеранг, Џоел Кинаман како полковникот Рик Флаг и Виола Дејвис како Аманда Валер.

Ган најави дека Идрис Елба исто така ќе биде дел од новата екипа. Останува нејасно кој ќе го игра Џокер, бидејќи се чини дека Џеред Лето не се враќа во улогата на негативецот.