Атинските таксистите со своите такси возила излегоа на протест и поворката се упати кон грчкото Собранието, како дел од дводневниот национален штрајк. Таксистите се собраа пред Министерството за транспорт и врски во општина Папагу – Чоларгу и се упатуваат кон Собранието од авенијата Месогеон, што резултира со сообраќаен хаос. Националниот штрајк завршува во четврток во 6 часот наутро, објави грчката телевизија Скај.

Сопствениците на такси бараат да бидат исполнети нивните барања, кои вклучуваат финансиски и институционални прашања што се однесуваат на нивната индустрија, како што е справувањето со нелојалната конкуренција предизвикана од мултинационални апликации и продолжување на обврската за електрична мобилност до 2035 година.

Тензии меѓу таксистите и полицијата за немири се случија претходно пред портата на Министерството за транспорт кратко пред 14 часот по локално време, кога демонстрантите се обидоа да влезат, барајќи да разговараат со властите. Полицијата за немири употреби ограничено хемиско оружје.

И денес, на вториот ден од националниот штрајк, такси-индустријата реагираше низ целата земја.

-Управниот одбор на Федерацијата, доколку нема резултат, веднаш ќе донесе универзални одлуки за продолжување на реакциите, организирани и решителни. Во исто време, продолжуваме да ги истакнуваме и да ги потврдуваме проблемите на индустријата на секој начин. Нема да застанеме на ветувања!!!- соопшти Панхеленската федерација на професионални такси возачи (POEITA) која го организира штрајкот.

Од утрово пред Министерството за финансии се одржува протестен митинг, по повик од Панхеленската федерација на здруженија на земјоделски производители и продавачи на пазари.

Иако здруженијата на земјоделските пазари во Атика на крајот одлучија да не учествуваат во штрајкот – бидејќи земјоделските пазари денес работеа нормално во сливот – претставници на секторот и членови на Федерацијата беа на местото на настанот, покажувајќи транспаренти и барајќи средба со раководството на Министерството.

Вчера голем дел од патиштата и граничните премини во Грција ги блокираа земјоделците, одгледувачите на добиток и пчеларите со трактори и земјоделска механизација, а штрајкот продолжи и денеска.

Повторно блокиран граничниот премин „Евзони“