Националната здравствена комисија на Народна Република Кина на 27 март 2023 година ја извести Светската здравствена организација (СЗО) за еден потврден случај на инфекција на луѓе со вирусот на птичјиот грип А(Х3Н8).

Пациентката била 56-годишна жена од провинцијата Гуангдонг чија болест започнала на 22 февруари 2023 година. Таа била хоспитализирана поради тешко воспаление на белите дробови (пневмонија) на 3 март 2023 година и потоа починала на 16 март.

Таа имала историја на изложеност на жива живина пред почетокот на болеста и историја присуство на диви птици во нејзиниот дом. Ниту еден близок контакт со случајот не развил инфекција или симптоми на болеста во моментот на појавувањето, пишува Светската здравствена организација.

Кинеската стана првата личност која умре од вид на птичји грип кој е многу редок кај луѓето, но сите индикации укажуваат на тоа дека овој сој не се шири меѓу луѓето.

Примероците од животната средина биле собрани од домот на пациентката и влажниот пазар каде што таа поминала време пред почетокот на болеста. Резултатите од тестирањата покажале дека примероците собрани од влажниот пазар се позитивни на инфлуенца А(Х3).

Симптоми на болеста

Инфекциите со зоонозен грип кај луѓето може да бидат асимптоматски или може да предизвикаат болест. Во зависност од факторите поврзани со специфичниот вирус и заразениот домаќин, болеста може да варира од конјунктивитис или благи симптоми слични на грип до тешки акутни респираторни болести или дури и смрт. Пријавени се гастроинтестинални или невролошки симптоми, но се ретки.

Случаите на инфекција кај луѓе со вирусот на птичји грип обично се резултат на директна или индиректна изложеност на заразена жива или мртва живина или контаминирана средина.

Ширење на вирус

Вирусите на птичјиот грип A(Х3Н8) се откриени кај животните и се едни од најчестите подтипови пронајдени кај птиците, предизвикувајќи малку или никакви знаци на болест кај домашната живина или кај дивите птици. Пренесувањето на вирусот на птичји грип меѓу видовите е пријавен кај различни видови цицачи, вклучително и ендемични кај кучињата и коњите.

Ова е трета пријавена инфекција кај луѓе со подсојот Х3Н8 во Кина. Два претходни случаи беа пријавени во април и мај 2022 година. Еден од претходните случаи имаше критична болест, додека другиот имаше поблага болест.

Двата случаи најверојатно биле заразени преку директна или индиректна изложеност на заразена живина.

За подобро разбирање на сегашниот ризик за јавното здравје, потребни се повеќе информации од истражувањата на луѓето и животните.