Што да гледате на „Netflix“ и „HBO“ овој викенд?

нетфликс
Што да гледате на „Netflix“ и „HBO“ овој викенд? / Фото: Принтскрин/IMDB

Како и секој претходен и иден петок се обидуваме да ви го олесниме одговорот на прашањето „Што да гледате на „Netflix“ и „HBO“ овој викенд?“.

Викендите секогаш се резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои сигурно нема да ве остават рамнодушни.

Stay Close – Серија на „Netflix“


Животите на урбаната мајка Меган со сомнително минато, фотографот Реј и детективот Мајкл ќе бидат буквално распарчени кога низа случувања ќе отворат стари рани, заканувајќи се дека ќе ја разоткријат вистината.

Жанр: мистерија / IMDB оценка: 7 / Rotten tomatoes рејтинг: 88%

Shiva Baby – Филм на „HBO“

Младата еврејка Даниел има непријатна средба со нејзиниот постар партнер Макс и неговата поранешна девојка за време на погреб со своето пошироко семејство.

Жанр: комедија / IMDB оценка: 7.2/ Rotten tomatoes рејтинг: 97%

Death to 2021 – Филм на „Netflix“

Сатиричен поглед на стравот и повремените задоволства кои ни ги донесе 2021 година. Приказ на архивски снимки и коментари од серија измислени ликови кои ги дискутираат вестите, пандемијата, дезинформациите за вакцините и технологијата.

Жанр: сатиричен документарец/ IMDB оценка: 6.3 / Rotten tomatoes рејтинг: /

A Very British Scandal – Серија на „HBO“

Приказната за настаните околу озлогласениот развод на војводата и војвотката од Аргил во текот на 1960-тите. Драматизација на скандалозната разделба на Маргарет и Иан Кембел, 11-тиот војвода од Аргил и целото медиумското лудило.

Жанр: историска драма / IMDB оценка: 7.1 / Rotten tomatoes рејтинг: 90%

 

Доколку не се инспириравте од овие предлози, ѕирнете ги насловите од минатите препораки ТУКА.

Видео на денот