Новинарот и политички аналитичар Милован Јовановиќ смета дека на Русија не ѝ одговора стабилна Србија која се стреми кон влез во Европската Унија и која има повеќе од добра соработка со земјите од НАТО, пренесе „Блиц“.

– На Москва никако не ѝ одговара постигнување на договор со косовските Албанци и реализација на прокетот „мини Шенген“. Руските агенти ќе направат сѐ за да не дојде до тоа – тврди Јовановиќ во изјава за „Танјуг“ по повод актуелната „шпионска афера“ во која како актери се означени руски разузнавач и српски офицер.

Јовановиќ додава дека руската агресија против ЕУ реализира стратешки притисоци на Балтикот и Балканот, со поткопување на европските иституции и системи на вредности.

Според неговите зборови, Русија разви импресивни инструменти за делување во странство, користејќи ги сите средства за да ги поткопаа демократските институции и трансатлантските сојузи.

Јовановиќ смета дека кампањите за ширење на дезинформации и сајбер-напади, како и сѐ посилните разузнавачки активности на Балканот, особено во Србија, Македонија и БиХ имаат за цел овој дел од Европа да остане нестабилен, скаран и економски слаб.