Македонскиот шампион Шкендија синоќа беше на чекор до сензационален триумф во Конференциската лига, но во драматичен финиш остана без цел плен. Тетовци примија гол во десеттата минута од судиското продолжение и наместо славје – теренот го напуштија со горчлив вкус на пропуштена шанса.

Победата ќе им донесеше огромна награда од 400.000 евра, но со ремито клубот ќе инкасира само 133.000 евра, што значи дека Шкендија остана покуса за речиси 270.000 евра. Сепак, и бодот што го освоија има големо значење – не само за нивниот пласман, туку и за националниот клупски коефициент.

Со резултатите од оваа европска кампања, Шкендија значително придонесе за растот на македонскиот фудбал на УЕФА листата. Веќе е извесно дека Македонија во сезоната 2026/27 повторно ќе има четири претставници во европските купови, што е голема вест за домашниот фудбал.