Шеста „Златна топка“ за Лионел Меси! (ФОТО+ВИДЕО) – Слободен печат
СпортФудбал

Шеста „Златна топка“ за Лионел Меси! (ФОТО+ВИДЕО)

На четвртото место во изборот се најде Садио Мане, трет заврши Кристијано Роналдо, а втор Виржил ван Дајк.

Фудбалерот на Барселона и репрезентативец на Аргентина годинава е добитник на „Златната топка“ во изборот на „Франс Фудбал“.

Во неделата прекрасен победнички погодок имаше Лионел Меси во важниот триумф на Барселона во шпанската „Ла Лига“ на гостувањето кај Атлетико Мадрид (0:1).

Денеска уште поголем ден за Аргентинецот кој вечерва на свечената церемонија во Париз (Франција) ја освои рекордната шеста „Златна топка“.

Оваа награда ја освојуваше од 2009. до 2012. година, и уште еднаш во 2015. година.

Минатата сезона феноменалниот напаѓач го освои шпанското првенство со Барселона, а со Аргентина стигна до полуфиналето на „Копа Америка“ каде го освои третото место.

На четвртото место во изборот се најде Садио Мане, трет заврши Кристијано Роналдо, а втор Виржил ван Дајк.

Меси на тој начин е моментно единствениот играч во фудбалската историја кој шестпати ја освоил оваа награда, и е сега пред Кристијано Роналдо кој има пет.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close