Се ближи крајот на натпреварувачката сезона 2025/26 во Првата македонска лига, а во фудбалскиот клуб АП Брера се случи промена на тренерската клупа.

Замина досегашниот тренер на струмичката екипа, Мартин Алаѓозовски, кој поднесе оставка по убедливиот пораз од Силекс во Кратово (4:0).

На денешниот натпревар против битолски Пелистер тимот на АП Брера ќе го предводи искусниот Шефки Арифовски. Тој подолг период е во клубот, и досега работеше со фудбалерите, па нема да му биде новина и ако застане да ги предводи од клупата.

Три меча без победа е лошата низа на АП Брера, а до крајот на првенството има и непријатен распоред, па затоа новиот меч против Пелистер е означен како „финале“.

– Се размислува само за трите бода. Играме на домашен терен и мора тоа да го искористиме – порачуваат од струмичкиот тим.

Натпреварот меѓу АП Брера и Пелистер ќе се игра од 16.00 часот, на стадионот „Благој Истатов“ во Струмица.