Сетиен: Ремито ги намали нашите шанси за титулата!
Барселона повторно не триумфираше, откако на домашен терен на „Камп Ноу“ ремизираше во дербито на колото против Атлетико Мадрид (2:2).
Тренерот на Барса, Кике Сетиен, знае дека после ваквиот резултат задачата да се освои титулата во „Ла Лига“ сезонава станува уште потешка.
Моментно каталонскиот клуб е на второто место на табелата со 70 бода, а лидерот Реал Мадрид има 71 пред утрешниот натпревар против Хетафе на домашен терен.
– Жално е што не победивме, бидејќи е потешко да се надеваме дека ќе бидеме шампиони. Губењето на бодови ги намали нашите шанси за првото место, но мора да продолжиме да работиме. Атлетико е добра екипа, со одлични играчи. Тие се многу стабилни и не оставаат слободни места. Целосно задоволен од нашата игра, ја контролиравме топката подолги периоди на натпреварот. Вложивме многу напор против исклучително дисциплиниран противник – рече Сетиен.
На прашањето дали е мирен за својата позиција, специјалистот рече дека ја чувствува поддршката на тимот, а исто така одби да коментира дали имало средба меѓу него и раководството на клубот.