Серија А пред одложување?
Новата сезона во италијанското првенство може да биде одложена доколку се продолжи трендот на позитивни случаи на коронавирусот.
– Загрижени сме и нема потреба да се крие тој податок. Доколку продолжи да се зголемува бројот на заболени фудбалери на ковид-19 и доколку се продолжи со одложувањето на подготовките, тогаш ќе бидеме приморани да ја одложиме целата сезона– изјави Џани Нани, претставникот на лекарската комисија во Фудбалската федерација на Италија за медицинскиот протокол.
Досега медицинскиот протокол работеше добро во Италија и да се доигра минатата сезона која беше прекината поради пандемијата на коронавирусот.
Но, на почетокот од подготовките за новата сезона се се појавија неколку случаи на позитивни фудбалери на ковид-19 и тоа откако уграчите се вратија од одмор.
– Сфаќам дека не можете да им забраните одмор на младите фудбалери, но се надеваме дека тие ќе бидат внимателни, дека ќе ги почитуваат пропишаните мерки – додава Нани.
Стартот на новата сезона во Серија А е закажан за 19 септември.