Се заловуваат улични кучиња околу училиштата и на други фрекфентни локации во Општина Бутел
Заловените кучиња се сместени во прифатилиштето на ЈП „Лајка“
Општина Бутел во соработка со ЈП „Лајка“ изминатиот период започнаа со акција за заловување на уличните кучиња. Како што информираат од оваа скопска општина, фокусот е ставен на заловување на бездомните животни кои се наоѓаат околу општинските основни училишта и најфрекфентните локации.
– Во изминатите денови на неколку локации во Општина Бутел системски и темелно заедно со ЈП „Лајка“ започнавме со решавање на пролемот со уличните кучиња. Фокус ставивме на општинските основни училишта и најфрекфентните локации. Во прифатилиштето на ЈП „Лајка“ сместени се заловените кучиња. На заловените кучиња кои веќе го имаат поминато хуманиот третман, им е направен тест за социјализација од страна на стручните тимови на ЈП „Лајка“. Во наредниот период ќе продолжиме со оваа акција и на други локации на територија на Општина Бутел – информира градоначалникот на Општина Бутел Дарко Костовски.