„Се прашував зошто сум толку дебел кога другите момци имаа фантастични тела“: Ед Ширан боледувал од булимија
Музичарот Ед Ширан во интервју за „Ролинг Стоун“ откри дека боледувал од булимија, пореметување во исхраната. Музичарот изјавил дека бил многу оптоварен со изгледот, дека постојано се споредувал со другите, а на крајот, како што вели, се прејадувал, а потоа повраќал.
View this post on Instagram
„Се прашував зошто сум толку дебел кога другите момци имаа фантастични тела. Се прашував зошто немам плочки на стомакот. Да. Затоа што сакам плескавици и пиво. Потоа работев со Џастин Бибер и Шон Мендес. И тие имаа фантастични фигури“, изјави Ширан.
View this post on Instagram
Тој опишал дека на тој начин постепено развил нарушување во исхраната, кога работите ескалирале, му била дијагностицирана булимија.
„Кога зборувам за некои работи, се чувствувам непријатно. Знам дека луѓето ќе го препознаат тоа, но мора да бидете искрени. Многу луѓе го прават истото и го кријат“, рече Ширан.
View this post on Instagram
Тој додаде дека неговото здравје се подобрило кога тој и неговата сопруга ги добиле синот и ќерката
„Тогаш се посветив на вежбањето, татковството. И работа, секако“, заклучи Ед Ширан.
