Попладнево во гаража на трговскиот центар Ист Гејт избил пожар поради што имало евакуација. Опожарено е едно возило. На терен интервенирала екипа од противпожарната бригада. Слободен печат се обрати во МВР за повеќе детали од настанот и оттаму добивме одговор дека во 18 часот и 45 минути во подземната гаража настанал пожар во патничко возило фолксваген поло, со скопски регистарски ознаки во сопственост на 62 годишниот Х.А. од Кондово. Пожарот бил локализиран и нема повредени. Според неофицијални информации, сите посетители биле изнесени надвор од страна на обезбедувањето, се вклучиле алармите, а наскоро пристигнале и пожарникарите.