„Сè додека е среќен и стабилен“: На Џиџи Хадид не ѝ пречи што Зејн Малик се забавува со Селена Гомез
На Џиџи Хадид, наводно, не ѝ пречи тоа што нејзиното поранешно момче Зејн Малик се забавува со Селена Гомез, „сè додека тој е среќен и стабилен“, пишува „Дејли мејл“.
Светски познатата манекенка и пејачот беа во турбулентна љубовна врска, која со прекини траеше од 2015 до 2021 година, а во тој период ја добија и двегодишната ќерка Каи.
Официјално, тие раскинаа во октомври 2021 година, кога Малик влезе во жестока расправија и физичка пресметка со мајката на Џиџи Хадид, Јоланда.
Моментално, Зејн Малик и Селена Гомез се главна тема во таблоидните написи, откако корисничката на ТикТок, Клариса Гарсија сподели видео на кое тврди дека една нејзина пријателка, која е хостеса во ресторан, ги забележала Малик и Гомез на заедничка вечера.
Извор близок до Џиџи Хадид тврди дека таа ја поддржува нивната романса.
„Џиџи нема проблем со кој и да се состанува Зејн во моментов. Сè додека тој е среќен и стабилен, а истовремено е добар родител на Каи, на неа не ѝ пречи“, вели изворот.
Ова доаѓа откако се појави информацијата дека Малик и Гомез уживале на тајна романтична вечера во Њујорк оваа недела.
Тиктокерката објави и скриншот фотографии од разговорот со нејзината пријателка, во кои таа тврди дека ги видела Малик и Гомез како се бакнуваат во ресторанот.
@klarissa.mpeg #fyp #greenscreen #selenagomez #zaynmalik ♬ original sound – Klarissa Garcia
Овие тврдења дополнително ги зајакна и еден извор за „Ентертејнмент тунајт“, кој вели дека парот влегол во ресторанот „држејќи се за раце и бакнувајќи се“.
„Селена и Зејн беа во СоХо во Њујорк минатата вечер. Тие влегоа во ресторанот држејќи се за раце и се бакнуваа. Повеќето од вработените во ресторанот не ги ни приметија. Тие беа многу опуштени и повеќе од јасно е дека стануваше збор за романтичен состанок“, вели изворот.
Исто така, интересно е дека Гомез е една од ретките луѓе, поточно 18 профили, кои Малик ги следи на Инстаграм. Тие неодамна се заследија на овој социјален медиум.