Социјалдемократскиот сојуз на Македонија (СДСМ) соопшти дека Извршниот одбор на партијата денеска донел одлука и иницирал постапка за исклучување на поранешниот скопски градоначалник и некогашен прв човек на градската организација на СДСМ во Скопје, Петре Шилегов.

Во изминатите месеци, Шилегов во јавни објави на социјалните мрежи побара оставка од претседателот на СДСМ, Венко Филипче.

Од партијата ги повторија обвинувањата дека Шилегов е „уценет“ и дека поради тоа јавно го критикува актуелниот лидер на СДСМ Венко Филипче и раководството на опозициската партија.

„Шилегов е уценет и одработува за ВМРО. Ја разоткривме целата бизнис шема на Христијан Мицкоски во енергетиката, од Адамовиќ до „Руднап“. Сега на сите им е јасно зошто толку многу сакаат да го рушат СДСМ. ВМРО толку падна што единствената опција им остана обидот да го урне СДСМ одвнатре. Сега на сите им е јасно дека станува збор за „платформа за рушење на СДСМ“.

На Филипче не му подготвуваат пуч, но спас му нема!