Саудиска Арабија ќе изгради забавен парк во чест на починатиот креатор на „Драгон бол“
Саудиска Арабија објави дека ќе изгради забавен парк врз основа на познатата јапонска анимирана серија „Драгон бол“, што предизвика различни реакции кај обожавателите.
Ќе има змеј од 70 метри во центарот и најмалку 30 ролеркоустери, велат од фирмата која стои зад проектот. Паркот ќе биде првата ваква атракција во светот базирана на легендарната анимирана серија со која израснаа милиони деца ширум светот, пренесува Би-Би-Си.
Објавата наиде на одредени критики од обожавателите, повикувајќи се на досието за човековите права во Саудиска Арабија.
Паркот ќе се простира на повеќе од половина милион квадратни метри, според Кидија Инвестмент Компани (КИЦ), која е во целосна сопственост на инвестицискиот фонд на владата на Саудиска Арабија. Плановите се дел од „долгорочно стратешко партнерство“ помеѓу КИЦ и Тоеи Анимејшон, јапонскиот продуцент на „Драгон бол“.
The Dragon Ball Theme Park has been announced for construction at Qiddiya City in Saudi Arabia!
Stay tuned for more details about this amazing project that will bridge the world of Dragon Ball and real life!https://t.co/devwAKvJol#dragonball pic.twitter.com/JZsVgM1FOU— DRAGON BALL OFFICIAL (@DB_official_en) March 22, 2024
Според официјалната веб-страница на „Драгон бол“, паркот ќе вклучува тобоган во внатрешноста на змејот направен по моделот на Шенрон, змеј кој исполнува желби кога се појавува во серијата. Ова е дел од плановите на земјата богата со енергија да ја диверзифицира својата економија подалеку од фосилните горива.
Додека некои фанови на „Драгон бол“ ги поздравија плановите за забавниот парк, други на социјалните мрежи ја доведуваат во прашање одлуката атракцијата да се лоцира во Саудиска Арабија. Земјата беше критикувана за нејзиното искуство со човековите права и непризнавањето на правата на ЛГБТИ заедницата.
Објавата доаѓа само неколку недели по смртта на креаторот на „Драгон бол“, Акира Торијама.
Торијама почина на 1 март, на 68-годишна возраст. Само неговото семејство и многу малку пријатели присуствуваа на неговиот погреб, се вели во соопштението на веб-страницата на „Драгон бол“. Фановите ширум светот му оддадоа почит на Торијама за создавањето ликови кои станаа дел од нивните животи.
Комичната серија „Драгон бол“ дебитираше во 1984 година. Таа го следи момчето по име Сон Гоку во неговата потрага да собира магични змејски топки кои можат да му дадат супер моќи. Тој е еден од највлијателните и најпродаваните јапонски стрипови на сите времиња.
