Сандро Тонали ќе биде суспендиран на 10 месеци од фудбалот
Италијанската фудбалска федерација би можела да го суспендира играчот на Њукасл, Сандро Тонали на 10 месеци поради кршење на правилата за обложување, пренесува „Скај Италија“.
Италијанските медиуми пишуваат дека Тонали, наводно, се согласил на договор за признавање вина со федерацијата, кој вклучува терапија поради зависност од коцкање.
Фудбалерот на Њукасл беше со своите адвокати во италијанското обвинителство каде призна дека се обложил на натпреварите на Милан.
Исто така, се наведува дека Тонали во текот на истрагата соработувал со италијанските власти, поради што би можел да биде суспендиран на 10 месеци.
Медиумите претходно објавија дека фудбалерот на Њукасл може да биде казнет на 16 месеци.