Американскиот државен секретар Ентони Блинкен денеска изјави дека е „длабоко загрижен“ од руското апсење на американски новинар и ги осуди напорите на Москва да ги „казни“ медиумите.

„Длабоко сме загрижени поради широко објавеното притворање на американски државјанин – новинар во Русија“, рече Блинкен во изјавата, мислејќи на новинарот на „Вол Стрит Журнал“, Еван Гершкович.

САД генерално избегнуваат да ги именуваат државјаните уапсени во странство без да добијат формална дозвола од нивните семејства.

Руската Федерална служба за безбедност (ФСБ) денеска соопшти дека во Екатеринбург е уапсен дописникот на „Волстрит журнал“, Американецот Еван Гершкович под сомнение за шпионажа.

Во соопштението на ФСБ се наведува дека а 32-годишниот Гершкович е осомничен за шпионажа во корист на американската Влада.

Уапсен дописникот на „Волстрит журнал“ во Русија