Приватен авион со осум лица се урна за време на полетувањето од аеродромот Бангор во Мејн, САД, синоќа, предизвикувајќи вонредна состојба и голем пожар. Судбината на лицата во авионот останува непозната.

Според информациите објавени од Си-ен-ен и Ројтерс, извор од американската влада изјавил дека по несреќата избувнал голем пожар. Официјалните информации за состојбата на патниците во моментов се ограничени.

🚨#BREAKING: A Bombardier Challenger 650 small passenger jet has crashed with eight business passengers on board. Reports indicate injuries.

📌#Penobscot | #Maine

At this time, numerous emergency crews are on the scene following the crash of a Bombardier 650 aircraft at Bangor… pic.twitter.com/CO37ST8yjX

— R A W S A L E R T S (@rawsalerts) January 26, 2026

Аеродромот Бангор објави дека екипите за итни случаи реагирале на инцидентот околу 19:45 часот по локално време, додека аеродромот останува затворен од безбедносни причини.

Федералната администрација за авијација (ФAA) соопшти дека авионот „Бомбардиер Челинџер 650“, бил деловен авион регистриран на друштво со ограничена одговорност со седиште во Хјустон.

ФAA и Националниот одбор за безбедност во сообраќајот (NTSB) ќе ја истражат причината за несреќата.

Несреќата се случила за време на силна снежна бура што го погодува североисточниот дел на САД. Температурите во Мејн се под нулата, додека слабите снежни врнежи и слабата видливост можеби придонеле за несреќата.

Властите се во рана фаза од истрагата, собираат информации за причините за несреќата, додека официјални соопштенија за состојбата на патниците се очекуваат во наредните часови.