За време на телефонскиот разговор со американскиот претседател Доналд Трамп одржан на 9 март, рускиот претседател Владимир Путин ги негираше обвинувањата дека споделувал разузнавачки информации со Иран за време на војната, изјави специјалниот претставник на САД за Блискиот Исток, Стив Виткоф.

„Можеме да им веруваме на збор. Да се надеваме дека не делат“, изјави Виткоф во интервју за Си-ен-би-си.

Виткоф, исто така, објави дека тој и зетот на Трамп, Џаред Кушнер, имале посебен телефонски разговор со советникот за надворешна политика на Путин, Јуриј Ушаков, утрото на 9 март.

QUINTANILLA: Do we think the Russians have shared intel about the location of US military assets, and if so, why would we be giving waivers on Russian oil sanctions?

WITKOFF: I’m not an intel officer, so I can’t tell you. I can tell you that on the call with the president, the… pic.twitter.com/gy1xIEtYHc

— Aaron Rupar (@atrupar) March 10, 2026

Ушаков го повторил истото а тоа е дека Русија не споделува разузнавачки податоци со Иран, рече Виткоф.

Виткоф беше прашан од новинарите дали верува дека Русија споделува информации за локациите на американските воени објекти со Иран и, ако е така, зошто администрацијата на Трамп има намера да ги укине санкциите што им забранија на индиските рафинерии да купуваат руска нафта.

„Јас не сум разузнавачки службеник, па не можам да ви кажам тоа. Можам да ви кажам дека вчера, во разговор со претседателот, Русите рекоа дека не споделуваат разузнавачки податоци. Тоа е она што го кажаа“, одговори Виткоф.