Русија ги отфрли апелите за целосна демилитаризација на областа околу нуклеарната централа Запорожје во јужна Украина, пренесува Би-Би-Си.

Овој потег ќе ја направи фабриката поранлива, смета руски претставник.

Повиците доаѓаат во време на зголемена загриженост за безбедноста на локацијата – најголемата нуклеарна централа во Европа – бидејќи двете страни се обвинуваат меѓусебно за гранатирање на областа.

Украинските работници управуваат со фабриката, која е под руска контрола од март.

Иван Нечаев, заменик-директорот на Одделот за информации и печат на руското Министерство за надворешни работи, го отфрли повикот.

„Нивното спроведување ќе ја направи фабриката уште поранлива“, изјави Нечаев за новинари.

Нуклеарната централа Запорожје беше едно од првите места заземени од руските трупи по инвазијата на Украина на 24 февруари.

Генералниот секретар на ОН Антонио Гутереш повторно алармираше за опасноста од нова катастрофа по средбата со украинскиот претседател Володимир Зеленски и турскиот лидер Реџеп Таип Ердоган во четвртокот во Лавов.

„Секоја потенцијална штета за Запорожје е самоубиство“, предупреди Гутереш.

Украинскиот претседател ги повика ОН да обезбедат демилитаризација на нуклеарната централа. Гутереш додаде дека „објектот не смее да се користи како дел од каква било воена операција“.

Колку е реална опасноста од катастрофа во нуклеарна централа Запорожје?