Роналдо со порака до целиот свет: Ви зборувам како син, татко и човек!
Португалецот се само-изолираше на островот Мадеира во неговиот дом по веста дека неговиот соиграч од Јувентус, Даниеле Ругани, е позитивен на коронавирусот.
Фудбалерот на Јувентус, Кристијано Роналдо (35), испрати порака ширум светот, а поврзано со пандемијата на коронавирусот.
Португалецот се само-изолираше на островот Мадеира во неговиот дом по веста дека неговиот соиграч од Јувентус, Даниеле Ругани, е позитивен на коронавирусот.
– Светот минува низ многу тежок момент што бара најголема грижа и внимание од сите нас. Денеска ви зборувам не како фудбалер, туку како син, татко и човек кој е загрижен за најновите настани што влијаат на целиот свет.
Важно е сите да ги следиме советите на Светската здравствена организација (СЗО) и надлежните органи кои одлучуваат како да се справуваме со моменталната состојба. Заштитата на човековиот живот мора да биде над сите други интереси.
Сакам да ги споделам моите мисли со сите кои изгубиле некој близок, мојата солидарност со оние кои се борат против вирусот, како мојот соиграч Даниеле Ругани и мојата континуирана поддршка за неверојатните професионалци за здравствена заштита кои ги ставаат своите животи во опасност со цел да ги спасат другите – напиша еден од најдобрите светски фудбалери на Инстаграм, Кристијано Роналдо.
