Ријана ја претстави својата нова колекција за долна облека на „Savage x Fenty“. Кампањата за новите креации на брендот за зимата 2020 година е посветена на секоја жена, славејќи го женското тело во која било големина.

Во празнично издание со новогодишна елка од мраз во позадина, Ријана позираше во парчиња од нејзината најнова колекција во секси издание, а многумина веќе ја нарекоа „ледена кралица“.

„Оваа празнична сезона Ријана ви го дава овој нов ладен принт и некои други добри работи што треба да ги имате за да ги преживеете ладните декемвриски ноќи“, пишува во објавата на брендот.

За празничниот изглед, Ријана се одлучила за градник од кадифе и шорцеви за спиење во плаво бела боја, надополнувајќи ја комнинацијата со бела јакна и високи латекс чорапи од нејзината омилена дизајнерка Амина Муади.

Амина и Ријана ги здружија силите за нивната заедничка колекција на обувки „Fenty“ уште во јули. Оттогаш, колекцијата „Fenty by Amina Muaddi“ стана една од најпродаваните во 2020 година.

Ријана е уметник кој покрај музичката кариера стана главна сила во модниот свет, надминувајќи ја својата беспрекорност. Нејзиното прво големо признание се случи уште во 2014 година во соработка со „Puma“, а во септември 2015 година, таа го создаде својот прв производ „Fenty“.

Таа дебатираше со својата колекција на долна облека „Savage x Fenty“ во 2018 година и оттогаш со секоја нова колекција го воодушевува светот!