ФОТО | Ретро фазон: Модниот избор на Маргот Роби
Австралиската актерка Маргот Роби која ја обожаваме од филмовите „The Wolf Of Wall Street“, „Suicide Squad“, „Once Upon a Time in Hollywood“, исто толку го сакаме и нејзиниот моден вкус.
Холивудската убавица неодамна беше фотографирана пред хотел во Њујорк, а вниманието на фотографите очигледно не и пречело, бидејќи цело време насмеана позирала и се смеела пред камерите.
View this post on Instagram
Како што пренесуваат странските медиуми, Маргот гостувала во ТВ шоуто „The Tonight Show Starring Jimmy Fallon“, а папараците желни за нејзините атрактивни фотографии знаеле каде да ја побараат.
Пред еден хотел во Њујорк, Маргот се појавила во син ретро фустан. А тука беше и препознатливиот печат на таквите фустани – широки долги ракави кои се стеснуваат во пределот на зглобот.
Целиот изглед го заокружи со бели потпетици и брановидна фризура која слободно и паѓа зад грбот. Што се однесува до шминката, Маргот е позната по тоа што не користи премногу впечатливи тонови, а овој пат не направи исклучок од правилото.