Реформираниот поранешен затвореник кој успеа да го собори напаѓачот на Лондонскиот мост со апарат за гасење пожар изјави дека бил подготвен да го „даде животот“ за да ги заштити другите луѓе, пренесува Би-Би-Си.

Џон Крили, кој служел затворска казна поради убиство за време на грабеж, рече дека го нападнал Усман Кан иако верувал дека тој носи појас во кој има вградено експлозивна направа.

– Врескав кон него да ја активира бомбата. Бев подготвен да го загубам мојот живот – рече Крили.

Во моментот кога тој заедно со уште неколку луѓе се бореа со Кан на улицата, тој врескал кон полицаецот кој пристигнал на местото на настанот да го застрела напаѓачот. За среќа, напаѓачот роден во Стоук со пакистанско потекло не носеше експлозивна направа за време на нападот.

Во неговото прво интервју по нападот, Крили (48), раскажуваше за вознемирувачкиот момент кога вооружените полицијци се соочиле со човекот кој со нож напаѓаше луѓе на Лондонскиот мост.

– Изгледаше како да поминаа години пред да го застрелаат. Полицијата искористи додолг период и чекаа ја чекаа погодната ситуација, до моментот кога бев приморан да вреснам ‘застрелајте го’ – рече човекот кој јавноста во Британија го прогласи за херој.

Кан, кој беше обвинет терорист, уби две лица – Џек Мерит и Саскиа Џонс – и повреди три други кога на 29 ноември со нож започна да напаѓа невини луѓе.

Крили и другите лица кои се обидеа да го спречат Кан искористија различни импровизирани оружје додека се обидуваа да спречат уште повеќе жртви.

На прашањето дали терористот напаѓал одредени луѓе, Крили вели дека тој не бирал и дека ги напаѓал сите кои ќе ги види.