Реал Мадрид може да добие целосно нов лик — само седуммина играчи се сигурни
Реал Мадрид се подготвува за големи промени по сезоната која е едно големо разочарување за шпанскиот гигант бидејќи не освоија ниту еден трофеј.
Препорачано
„Кралевите“ останаа без посакуваните резултати во сите натпреварувања и не успеаја да ги оправдаат амбициите, а во клуб со реноме какво што има Реал, ваквите неуспеси ретко поминуваат без сериозни последици.
Првиот човек на клубот, Флорентино Перез, веќе започнал со подготовка на голема реконструкција, а според најавите приоритет било решавањето на тренерското прашање.
Како главен кандидат за клупата се споменува Жозе Мурињо, кој би можел да се врати на „Сантијаго Бернабеу“ по пауза од 13 години. Во Мадрид веруваат дека искусниот Португалец е вистинскиот човек за повторно да воведе дисциплина, стабилност и победнички менталитет.
Покрај тренерската смена, најавени се и големи промени во играчкиот кадар. Според информациите од Шпанија, само седум фудбалери имаат сигурен статус во тимот и се сметаат за недопирливи. Тоа се Тибо Куртоа, Андриј Лунин, Џуд Белингем, Федерико Валверде, Арда Ѓулер, Килијан Мбапе и Ендрик.
За сите останати играчи постои можност да бидат продадени или да го напуштат клубот по истекот на договорите.
Меѓу фудбалерите чија иднина е неизвесна е и Винисиус Жуниор. Иако Реал сака да го задржи, засега нема договор околу условите за продолжување на соработката, а актуелниот договор на Бразилецот истекува следното лето.
🚨💣 𝐄𝐗𝐂𝐋𝐔𝐒𝐈𝐕𝐄: Real Madrid have identified the players they consider untouchable for the foreseeable future, especially amid the growing issues surrounding several members of the squad:
· Thibaut Courtois
· Andriy Lunin
· Jude Bellingham
· Fede Valverde
· Arda Guler
·… pic.twitter.com/yUO3boiZnr— The Touchline | 𝐓 (@TouchlineX) May 11, 2026
ВИДЕО | Погледнете ја реакцијата на Луис Енрике кога му го кажаа резултатот од „Ел Класико“
ВИДЕО | Барселона е шампион на Шпанија, Рашфорд и Торес го урнаа Реал за делириум на „Камп Ноу“
