Реал Мадрид е новиот шампион, Трајковски и Мајорка испаднаа од лигата (ВИДЕО)
Во претпоследното 37 коло во најсилното шпанско првенство вечерва екипата на Реал Мадрид ја освои титулата, вкупно 34 во својата историја.
„Кралевите“ на домашен терен со 2:1 славеа против Виљареал, стрелец на водечкиот гол беше Бензема во 29 минута.
?? WE ARE THE CHAMPIONS! ??
⚽ @LALIGA 2019/20#34Ligas | #RealFootball pic.twitter.com/zRPpWHbP0H— Real Madrid C.F. ???? (@realmadriden) July 16, 2020
Французинот по вторпат се запиша во листата на стрелците во 77 минута, а гостите само успеаја да го ублажат поразот преку Ибора.
Барселона која беше најголемиот конкурент за тронот ги разочара фановите откако дома со 1:2 загуби од Осасуна. Хосе ја затресе мрежата на тер Штеген за 0:1, а во 62 минута за израмнување се погрижи Лео Меси.
Иако од 77 минута гостите беа со играч помалку поради црвениот картон на Енрик, во самиот финиш од средбата Торес ги донесе трите бода за Осасуна.
После Еспањол, и Мајорка официјално следната сезона ќе игра во понизок ранг, поточно Сегунда.
Денеска Мајорка претрпе нов пораз овојпат од Гранада (1:2), а македонскиот репрезентативец Александар Трајковски во игра влезе од 72 минута како замена за Баба, но во 88 минута беше заменет од Фебас.
Одличен настап имаше Енис Барди кој реализираше два голови во гостинската победа над Селта Виго (2:3).
Уште еден интересен податок, на седум од денешните 10 натпревари во „Ла Лига“ беа покажани дури 10 црвени картони.