На 54-годишен маж од Флорида неодамна му била дијагностицирана лепра, а лекарите предупредуваат дека југоисточниот дел на САД би можел да стане ново жариште за оваа болест. Во овие делови на САД фреквенцијата на лепра или стапката на нови случаи повторно се зголемува од 2000 година. Бројот на пријавени инфекции во областа е повеќе од двојно зголемен во текот на изминатата деценија.

Она што е загрижувачко е што има повеќе случаи кај пациенти без фактори на ризик и помалку кај оние родени надвор од САД. „Овој тренд покажува дека лепрата стана ендемична во југоисточниот дел на Соединетите држави“, велат дерматолозите, како што објави „Сајенс Алерт“.

Лепрата е хронична заразна болест предизвикана од бацилот Mycobacterium leprae отпорен на киселина, во облик на прачка. Таа е наречена и Хансенова болест. Болеста била препознаена во античките цивилизации на Кина, Египет и Индија, а првиот пишан запис датира од 600 година п.н.е. „Во текот на историјата, болните биле отфрлани од општеството и сместени во таканаречените лепрозни колонии“, пишува Хрватскиот завод за јавно здравје.

Вирусот се размножува многу бавно во човечкото тело, а периодот на инкубација е долг, околу пет години, иако има извештаи дека може да трае и до 20 години. Болеста главно ја зафаќа кожата, периферните нерви, мукозната мембрана на горните дишни патишта, како и очите. Не е високо заразно, а се пренесува со капки во близок контакт со нелекувано лице“, додава тој.

Секоја година во САД се пријавуваат околу 150 случаи на лепра. Уникатни соеви на лепра се откриени кај пациенти во САД , иако повеќето од заразените патувале во земји каде што е присутна или ендемична.

Покрај тоа што се наоѓа во област каде што е присутна инфекцијата, факторите на ризик вклучуваат контакт со животни како што е армадило со девет ленти, за кое е познато дека пренесува лепра.

Но, 54-годишниот маж, кој досега живеел само на Флорида, не патувал никаде, ниту стапил во контакт со заразено лице или армадило. Само изјави дека поминува многу време во природа. Пациентот се јавил на клиниката за дерматологија со болен осип и кожни лезии кои прво му се појавиле на стапалата и рацете, а потоа се прошириле на трупот и лицето.

Со биопсијата е потврдена инфекција со лепра, а алармирани се и јавните здравствени служби. Човекот за кој станува збор, како и околу една третина од новите случаи на лепра дијагностицирани во САД помеѓу 2015 и 2020 година, се чини дека бил заразен локално.