Радукану е чудо од дете, тинејџерката се пласира во полуфиналето на УС Опен
Британската тенисерка Ема Радукану обезбеди пласман во полуфиналето на последниот годинешен грен слем турнир, УС Опен, откако во четвртфиналето ја совлада олимписката шампионка Белинда Бенчич со 6:3,6:4.
PURE DISBELIEF @EmmaRaducanu | #USOpen pic.twitter.com/TG7vCWMuaa
— US Open Tennis (@usopen) September 8, 2021
Интересно е што 18-годишната британска тенисерка дојде до полуфиналето на својот втор настап на грен слем турнир. Радукану преку квалификациите обезбеди настап на УС Опен, а се уште нема загубено сет во Њујорк и стана третата тениска во историјата на опен ерата која е надвор од топ 100, а стигнала до полуфиналето.
Таа моментно е на 150 место на ВТА ранг листата, а пред неа ваков подвиг остварија уште Ким Клајстерс во 2009 година и Били Џин Кинг во 1979 година.
🇬🇧 @EmmaRaducanu: The third woman ranked outside the top 100 to reach a #USOpen semi-final 💫
The other two?
Unranked @Clijsterskim in 2009 and unranked @BillieJeanKing in 1979.
Unreal company 🤯 pic.twitter.com/eerhB7ZPdA
— Billie Jean King Cup (@BJKCup) September 8, 2021
Мечот подобро го отвори олимписката шампионка Бенчич која направи брејк уште во првиот гем, а во следните четири гема и двете тенисерки беа сигурни на свој сервис. При резултат 3:2 за Бенчич, Радукану ја презеде иницијативата и направи два брејка и го освои првиот сет со 6:3.
Во вториот сет беше направен само еден брејк, Радукану во петтиот сет го одзеде сервисот на Бенчич и потоа со сигурен сервис ја задржа предноста за освојување на сетот со 6:4 што воедно значеше и конечен триумф и пласман во полуфиналето.
За пласман во финалето, Радукану ќе игра со подобрата од мечот помеѓу Каролина Плишкова – Марија Сакари.