Радијата и телевизиите ќе плаќаат за половина поевтини лиценци за 2022 година
![](https://www.slobodenpecat.mk/wp-content/uploads/2020/06/radiodifuzeri.png)
Поради продолжувањето на КОВИД-19 пандемијата која неповолно влијание на општата економска состојба како и поради појавата на енергетска криза што директно се одразува врз економската одржливост на радиодифузерите, Агенцијата за аудио и аудиовизуелни медиумски услуги ќе им помогне на радијата и телевизиите во справувањето со негативните последици.
Надоместокот за дозвола за телевизиско или радио емитување за 2022 година, пресметан согласно формулата утврдена во Законот за аудио и аудиовизуелни медиумски услуги, ќе биде намален за 50 отсто, најавија од АВМУ.
Агенцијата се надева дека оваа донација ќе придонесе за ублажување на последиците од кризата и ќе го олесни работењето на радиодифузерите, односно ќе придонесе за нивно непречено функционирање и наредната година.