Работнички го „положи“ израелскиот тест – Слободен печат
СпортФудбал

Работнички го „положи“ израелскиот тест

Работнички забележа победа во првиот пријателски меч на подготовките во Банско, Бугарија, откако славеше со 1:0 против тимот на Хапоел Нир Рамат Хашарон.

Стрелец на победничкиот погодок за Работнички беше Марио Станковски после асистенцијата на Бразилецот Јаго во 60. минута од средбата.

До крајот на мечот, „романтичарите“ имаа неколку добри шанси и за втор гол, но остана единствениот од страна на Станковски.

Наредниот контролен натпревар фудбалерите предводени од тренерот Влахо ќе го имаат на 24 јули со почеток од 18.30 часот, против уште еден израелски клуб, Хапоел Рамат Ган.

Во меѓувреме скопскиот прволигаш промовираше нови летни засилувања во пресрет на новата натпреварувачка сезона 2019/20.

По враќањето од Банско, договорен е и тест меч против екипата на Тиквеш на 3 август.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close