Претставничкиот дом на САД, предводен од републиканците, денеска го одржа првото сослушување во истрагата за импичмент против демократскиот претседател Џозеф Бајден, помалку од три дена пред владата делумно да се „затвори“ доколку не се постигне договор за буџетот на двете партии.

Републиканците, кои ја водат истрагата за импичмент на Бајден, им ги презентираа деталите за плаќањата во странство на членовите на неговото семејство, но не дадоа докази дека американскиот претседател лично имал корист од тоа, објави Гласот на Америка.

На почетокот на истрагата, републиканците тврдеа дека претседателот Бајден лажел за надворешните работи на членовите на семејството и не презел чекори за да ги задржи надвор од неговите службени должности додека служел како потпретседател помеѓу 2009 и 2017 година.

„Американците бараат одговорност за културата на корупција“, рече претседателот на Комисијата за надзор на Претставничкиот дом Џејмс Комер.

Демократите и неколку независни сведоци изјавија дека нема докази дека Бајден добивал пари од странство додека бил потпретседател.

Сведоците на сослушувањето, професорот на Универзитетот Џорџ Вашингтон, Џонатан Тарли и форензичкиот сметководител Брус Дубински, рекоа дека одборот има доволно докази за да започне истрага за отповикување, но не и да гарантира обвинение.

На почетокот на истрагата, републиканците тврдеа дека претседателот Бајден лажел за надворешните работи на членовите на семејството и не презел чекори за да ги задржи надвор од неговите службени должности додека служел како потпретседател помеѓу 2009 и 2017 година.