Општина Аеродром, Нула Отпад ДОО Скопје и Capitol Mall & Residence почнаа кампања за изработка на екомаски од електричен отпад. Во изборот на најдобра екомаска може да учествуваат сите деца од градинките и училиштата од Општина Аеродром.

– Задача на учесниците е да изработат индивидуална креативна маска во која ќе вклучат најмалку три стари и неисправни електронски и електрични уреди или стари и потрошени батерии, како и за групна маска доколку постои интерес, а ќе бидат одбрани и наградени трите најдобри маски. Фотографија од направената екомаска треба да се испрати во директна порака на фејсбук профилот на Капитол Мол, заедно со уредно пополнета и потпишана пријава од родител/старател најдоцна до 01.04.2022 година до 16:00 часот. Целосен правилник за учество и образец пријава за учество во Е-Капитолијадата ќе биде објавен на веб страната на Капитол Мол и Нула Отпад – информираат од Општина Аеродром.