Првиот човек на ФИФА е јасен: Ниту едно натпреварување не е повредно од здравјето на луѓето
Претседателот на ФИФА, Џани Инфантино, вели дека ниту едно натпреварување не смее да се продолжи се додека не се стекнат услови за такво нешто, односно не помине кризата со коронавирусот.
Пандемијата на коронавирусот го запре речиси сите фудбалски лиги и засега нема официјални информации кога би продолжиле првенствата иако екипите од најсилните пет европски лиги, инсистираат по секоја цена да се игра фудбал во најскоро време.
Инфантино стави јасно до знаење дека фудбалот во овие моменти е во втор план.
– Најважново во овие моменти е здравјето на луѓето. Едноставно, ниту едно натпреварување не е вредно да се ризикува човечки живот. Неодговорно е да се форсира со играње натпревари доколку не е сто отсто безбедно. Колку што треба – ние ќе чекаме – рече Инфантино.
Запирањето на фудбалот им предизвика големи финансиски проблеми на сите екипи и поради тоа се почесто се намалуваат платите на фудбалерите.
– Имаме резерви, но тоа не се наши пари, туку им припаѓаат на сите. Кога ќе биде потребно ќе направиме сè за да помогнеме. Тоа е наша обврска, а воедно и и должност – вели претседателот на ФИФА.