Таму каде што политиката се меша, спортот е во „втор план“. Како што некогаш беше толку близок до властите, особено во времето на генералот Франко, така е сега Барселона под силно влијание на партиите за независност на Каталонија, што на крајот би можело да доведе до поместување на првото „Ел Класико“ оваа сезона од „Камп Ноу“ на „Сантјаго Бернабеу“ во шпанскиот главен град.

На 26. октомври, кога е предвидено да се игра дерби мечот меѓу актуелниот шпански шампион Барселона и Реал Мадрид (13.00 часот), најавени се масовни демонстрации на улиците на Барселона поради процесот кој се води против бунтовниците. Или заговорниците за независност, зависно од која перспектива се гледа.

Spain's La Liga asks to move Saturday's El Clasico match between Barcelona and Real Madrid over protestshttps://t.co/4UUhfOU4Pq

— DAILY SABAH (@DailySabah) October 16, 2019

Дека ситуацијата во Барселона е напната говори и фактот што вчера биле повредени 51 демонстрант, 125 побарале лекарска помош, додека најавите дека нередите ќе се зголемуваат и прошируваат укажуваат дека дербито меѓу Барселона и Реал ќе се премести на „Сантијаго Бернабеу“ во Мадрид.

Тоа е предлогот изнесен денеска од Фудбалската федерација на Шпанија пред Натпреварувачката комисија Комитетот за натпревари, кој во договор со клубовите, треба да одлучи што е најдобро. Доколку се направи ротација, тогаш Реал ќе биде домаќин на првото дерби, а второто во „Ла Лига“ напролет планирано за 1 март, ќе се игра на „Камп Ноу“.

Претходните денови Барселона како клуб, потоа Жерар Пике, како и нејзиниот поранешен капитен Чави Ернандез, јавно изразија незадоволство поради почетокот на судскиот процес против бунтовниците и каталонските лидери кои го предводеа референдумот за независност.