Пронајдено е тело во буре, изгледа е на мафијашот Баја — Вучиќ „не можел да потврди дека Милиќ е соучесник во убиството“
Телото е пренесено со возило на јавното комунално претпријатие за погребни услуги на Институтот за судска медицина во Белград, каде што ќе бидат извршени обдукција и ДНК-вештачење.
Во српското село Јарковци е пронајдено тело во буре, за кое се сомнева дека му припаѓа на исчезнатиот Александар Нешовиќ — Баја, објави „Нова“.
Препорачано
-
1
-
2
-
3
Телото е пренесено со возило на јавното комунално претпријатие за погребни услуги на Институтот за судска медицина во Белград, каде што ќе бидат извршени обдукција и ДНК-вештачење.
Според обвинителството, бурето било откопано во присуство на јавни обвинители, полиција и форензичари.
Вишото јавно обвинителство во Белград води истрага против десет луѓе за тешкото убиство на Нешовиќ, меѓу кои е и разрешениот началник на белградската полиција, Веселин Милиќ.
Српскиот претседател Александар Вучиќ вечерва изјави дека не може да потврди ниту дека убиството на Александар Нешовиќ било извршено во присуство на Милиќ ниту дека тој бил соучесник, пренесе „Данас“.
Вучиќ рече дека „ова што денес го видовме е застрашувачко“, а особено им се заблагодари на припадниците на Жандармеријата кои го пронашле телото на Александар Нешовиќ.
— Не е убиен ниту академик ниту лице без досие, но никој не смее вака да настрада. Злосторството е застрашувачко — рече тој во гостување на РТС.
Тој истакна дека телото било палено по убиството за да има помалку траги од крв, „но крв останала“.
Сега се утврдува ДНК и речиси 99 отсто е сигурно дека станува збор за Александар Нешовиќ, рече претседателот.
Вучиќ рече дека во некоја гаража бил подготвен бетон за да се забетонира буре, за кучињата да не можат да го намирисаат.
Тој наведе дека вакво злосторство може да се очекува од шкаљарскиот или од кавачкиот клан, но дека „овие двајца монструми во голема мера контактирале со полицајци, дури и по кривичното дело“.
— Тие лица потоа се вратиле, оваа операција траела два часа, била многу комплицирана, а тие се вратиле во кафеана и испиле пијалак. Можете да замислите со какви монструми имаме работа. Горд сум на државата Србија затоа што ги уапси сите актери. Сега ги прашувам сите овие лажговци, кои со разни теории се обидуваа да ја измамат јавноста: дали со тоа ги охрабрувате и останатите монструми да направат такво нешто? — рече претседателот Вучиќ.
